¡MELCHOR, GASPAR E BALTASAR ESTIVERON NA PEMENTEIRA!

Pois si, así foi. Os Magos máis importantes e famosos de todos os tempos visitaron "A Pementeira". Nós non os vimos, claro, porque normalmente cando chegan ás nosas casas son tan discretos que nin nos enteramos e, ademáis, como o Día de Reis, o 6 de xaneiro, non hai cole pois era imposible que os descubríramos na nosa aula.

O caso foi que o martes 8 de xaneiro, cando chegamos ao cole atopamos uns paquetes na nosa aula. Como estaban empaquetadiños cun papel moi bonito cheo de estrelas pois todos nos demos conta de que eran agasallos. A alguén se lle ocurriu que podía ser que foran dos Reis Magos e miramos no buzón se había algunha carta ou algo que nos dese algunha pista sobre a orixe destes paquetes. E, efectivamente, no buzón había unha carta.

¡QUE ALEGRÍA LEVAMOS! ¡ESTABA CLARÍSIMO! ¡ERAN AGASALLOS DE MELCHOR, GASPAR E BALTASAR! Así que o único que faltaba era ler a carta para comprobalo

e despois abrir os paquetes e descubrir o que había dentro.¡Mirade!

Puxémonos todos tan contentos ao ver que as Súas Maxestades chegadas de Oriente se acordaran de deixarnos libros para a nosa biblioteca de aula e uns xoguetiños para cada pementeiro e pementeira que lles adicamos un forte aplauso.

Pero a cousa non quedou aí. Pola tarde cando Lucía Dopazo foi colocar unha caixa no recuncho da cociña... ¡ATOPOU OUTRO AGASALLO ESCONDIDO!

A verdade é que o primeiro día de cole despois do Nadal non estivo nada mal.